Kulturprisen til KDV Skulekorps

 Nyhende  Innspel avslått på Kulturprisen til KDV Skulekorps
feb 182018
 

Ordførar, Morten Storebø (H) kunne etter at Austevoll formannskap einstemmig valte KDV til Kulturprisen 2017, gje blome og sjekk til dirigent, Helene Reigstad.

 

KDV Skulekorps tok i dag mot kulturprisen 2017 under basaren deira i Kolbeinsvik bygdahus, der ordføraren var på plass med ein stor sjekk i lomma.

 

Kolbeinsvik, Drøna og Vinnes Skulekorps (KDV) fekk i dag kulturpisen 2017 for fortenestefullt kulturarbeid, der prisen kom i form av ein blome og heile 20 000 kroner til korpset.

– Summen er eigentleg på ti tusen kroner, men eg meiner at han har vore på det nivået ganske lenge og har difor teke ei avgjerd på å dobla beløpet, kunne ordførar, Morten Storebø (H) lukkeleg formidla.

 

–KDV er ein høgst levande og tilgjengeleg institusjon i det kulturelle Austevoll. Dei er ein viktig rekrutteringsarena for musikklivet, med dei små aspirantane som får sitt fyrste møte med musikken – og den eldre garde som kan gå vidare på endå større utfordringar, i til dømes Austevoll Brass. Difor fortener KDV ein stor takk frå kommunen og samfunnet, fortalte ordføraren i talen sin.

 

Det var dirigent, Helene Reigstad som tok i mot den ærefulle prisen.

– Dette visste eg ikkje, så det var kjekt. No får me sjå kva pengane skal gå til, kanskje instrument eller noko, sa dirigenten til Marsteinen.

 

Av Severin Tøkje

Tek skippertak for søkjarar

 Nyhende  Innspel avslått på Tek skippertak for søkjarar
feb 152018
 

Vilde Røseth Vaage og Pernille Nordvik går VG1 helse- og oppvekstfag. Begge stortrivst på Austevoll vgs.

Eit lite avgangskull på ungdomsskulen, kan bety få søkjarar til linjene studiespesialiserande og helse- og oppvekstfag ved Austevoll vidaregåande skule. Noverande elevar oppmodar tiandeklassingane til å velja Austevoll vgs til hausten.

Les heile saka i Marsteinen.

Mor, du hjartegode

 Nyhende  Innspel avslått på Mor, du hjartegode
feb 092018
 

Mor var pott og panne. Det skriv alle karane under på. F.v: Trygve Atle Økland (mor: Astrid Olaug), Magnus Stangeland (mor: Borghild Johanne, frå Steinavikje), Magne Drønen (mor: Ingeborg Marthea), Arvid Mortvedt (mor: Ester), Daniel Torsvik (mor: Klara Kristanse), Ingmar Ringdal (mor: Jorunn Bergliot) og Anders Kolbeinshavn (mor: Astrid). Tekst og foto: May Linn Clement.

Dei feira morsdag før i tida òg.
– Men eg veit ikkje om ho kvilte så mykje den dagen heller, seier Daniel Torsvik.

Les heile saka i Marsteinen.

Dobbelt fokus på karategjengen

 Nyhende  Innspel avslått på Dobbelt fokus på karategjengen
feb 082018
 

Johnny Rabben demonstrerer grep- og låseteknikkar på Håkon Nyheim. Ikkje alt er like alvorleg på trening.

Karate Budokan-klubben har reist seg frå oska, rista av seg gamalt støv og fått varme i gamle le og lemmar. Johnny Rabben er primus motor, utstyrt med andre dan, lårstrekk og japanske preposisjonar.

Reportasje finn du i Marsteinen i dag.

Har starta nettbutikk for hund og katt

 Nyhende  Innspel avslått på Har starta nettbutikk for hund og katt
feb 082018
 

Camilla i stova til mor og far på Storebø. Katten Askepott var i fosterheim hos Camilla før ho seinare vart adoptert av foreldra hennar.

 

Camilla Solberg ynskjer å få ein slutt på overforbruk og masseproduksjon av varer i dårleg kvalitet. Difor tilbyr ho no handlaga og økologiske produkt til hund og katt i den nye nettbutikken sin.

 

– Me har berre ein jordklode, og fleire bør opna augo litt for miljøet, meiner Camilla Solberg (24). Ho ristar på hovudet medan ho tenkjer på handelstrenden no til dags; mange varer er så billige at folk kjøper gjenstandar dei eigentleg ikkje trenger. Noko som resulterer i større produksjon av billige varer av ymse kvalitet.

– Eg vil oppmoda kundane til å heller bruka nokre kroner ekstra på miljøvennlege produkt som varar lenge, smiler Solberg.

Les heile saka i avisa i dag.

Sjarken i hamn

 Nyhende  Innspel avslått på Sjarken i hamn
feb 082018
 

«Rabbagut» er det ferskaste tilskotet til fiskeriflåten i Austevoll. Foto: Serverin Tøkje.

 

Med finstasen på og fargen så blå, strålte den nye sjarken ”Rabbagutt” opp i Bekkjarvik, at til og med å knusa flaska i skroget var for drygt under dåpen førre helg.

 

Med flagga til vêrs kan Trygve Rabben med kompani feira at den splittar nye sjarken endeleg er klar for både fisk og fest, når båten er døypeklar denne dagen. Mora til eigaren Trygve, Kari Rabben, har fått æra over å gjera det rett så tradisjonsrike og kjekke oppdraget.

– Eg har ikkje tenkt å seia så mange ord og går rett på sak i staden, seier ho og ynskjer båt og mannskap hell og lukke for framtida. Med flett ny sjark og solskin er det best å styra unna riper og kjipe situasjonar. Sjampanjen vert difor sprøyta på den nye blå – og like greitt er det. Eit rist med tommelen ned i flaska og effekten vert langt meir interessant enn at flaska knuser, uansett så er det i desse miljøvenlege dagar særs smart tenkt.

Reportasjen kan du lesa her.

«Møkstrafjord» på veg heim

 Nyhende  Innspel avslått på «Møkstrafjord» på veg heim
feb 022018
 

Har byrja heimreisa: MF «Møkstrafjord». Foto: Fjord1.

Bilferja «Møkstrafjord» har byrja den lange reisa heim til Noreg etter at reiarlaget Fjord1 har teke over fartøyet og testar er gjennomførte.

– Me er spente på overfarten ved Biscaya og Nordsjøen, skriv operativ leiar i Fjord1 til Marsteinen.

Fredag føremiddag køyrer ferja inn i gresk farvatn i Egerhavet, kan ein sjå av nettstaden marinetraffic.com.

Vert ny leiar på ASV

 Nyhende  Innspel avslått på Vert ny leiar på ASV
feb 012018
 

– At folk skal ha det triveleg på jobb, er det aller viktigaste for meg. Trivsel skapar arbeidsglede, seier Bjørn Kristian Bjånesøy. (Tekst og foto: May Linn Clement.)

Etter 18 år som rektor ved Storebø skule, skiftar Bjørn Kristian Bjånesøy (51) beite.

Les heile saka i Marsteinen.

Ei hyllest til ungdommen

 Nyhende  Innspel avslått på Ei hyllest til ungdommen
feb 012018
 

Vincents Veivåg, Espen Vassnes og Henrik Vaage visste kva strengar dei skulle spela på. (Tekst og foto: May Linn Clement.)

Laurdag, i halv fire-tida: Eg tek meg sjølv i å verta starstruck av å møta på lokale UKM-artistar på butikken.

Les heile saka i Marsteinen.